إتنين مساطيل قاعدين قدام مراية، واحد منهم بيسأل التانى واخد بالك من الإتنين إللى قاعدين هناك دول؟ التانى وقف يشوفهم، راح زميله قاله خليك فى واحد منهم جاى علينا.
البوليس عمل كبسة على شوية شمامين و لفت نظره ان فيهم عيل صغير قوي واخد ركن لواحده وعمال يسحب , فقام مقرب منه و سأله: و الشمام الصغير اسمه ايه؟
قام الواد رد عليه و قاله : كنتلوب يا بيه.
اتنين مساطيل ماشيين على رجليهم فى شارع صلاح سالم.. فواحد سأل التانى : إنت ممكن توصل لآخر الشارع ده فى أد إيه ؟ فالتانى قاله : فى خمستاشر سنة ...فرد الأولانى وقاله : يااااااااه .. يابن الإيه يا صاروخ
إتنين مساطيل .
واحد بقول للتاني : لو مفيش ستات في الدنيا كان إيه إلي حصل .
إتاني قاله : مكنش الراجل إتجوز على مراته
اتنين مساطيل واحد بيقول للتانى : تصدق ان بوش جاى مصر بكره قاله : و ايه يعنى علىِِ الطلاق الاهلى يغلبه
مرة اتنين مساطيل قوي راحوا المتحف الاثري فشاف واحد منهم هيكل عظمي فكان مكتوب جنب الهيكل الف وستمية قاف ميم فقال لزميلوا ايه قاف ميم ديه قالوه التاني ده تقريبا رقم العربية الي داسيتو
الأحد سبتمبر 27, 2009 10:12 am
